Já, endurlífgunin tókst svona líka vel á þessari síðu að ég er bara að blogga aftur! Fyrir áhugasama þá kláraði ég ritgerðina .. og fór að sofa kl 10 á mánudagsmorguninn.. en það er allt í góðu, ég er enn á lífi og rúmlega það!!

Gærkvöldið var rosa kósý, við hittumst nokkrar úr listfræðinni heima hjá einni sem var búin að elda hrikalega góðan mat handa okkur og léttvínið flæddi yfir borðin og það var kjaftað og helgið fram eftir nóttu! Þetta eru háskólaárin! haha.. engin lærdómur "ég lif'í draumi, dreg hvergi mörkin dags og nætur...lalala"  Töff lag!

Já svo er það komið á hreint hvernig jólin verða. Flýg út til mömmu 20.des og við förum saman til Andra 22.des (þar sem við eyðum þeim degi saman í Budapest held ég) og höldum upp á jólin þar. Svo förum við mamma aftur til Köben 26.des og komum svo saman heim 28.des. Þannig að ég verð heima um áramótin!

Jæja, ég ætlað hella mér uppá smá kaffi og fara svo að taka til í svínastíunni minni, það verður víst ekki gert um helgina því þá er ég að vinna og í dag er eini dagurinn sem ég er ekki í tíma.. svo þetta er gráupplagt! Annars bara deyr heimilið! obbobbobb!

Góða helgi fólk.. lag helgarinnar er Feeling That Way með Journey! (hægt að nálgast það á t.d. youtube og ég mæli með því! maður kemst í einhvern fíling, það er alveg rétt) Eitt enn.. bleik síða eða??

-bloggmeister-

Ótrúlegt hvað ég er alltaf tímanleg með allt og skipulögð. Andlitið á mér er hot spot þessa dagana fyrir bólur og viðbjóð sem ég kenni einfaldlega Háskóla Íslands um. Það hefur ekkert með óheyrilegt nammiát síðan á föstudag að gera. Hvernig á óöguð skólastelpa (sem er btw alveg óeðlilega mikið þreytt þessa dagana) annars að halda sér vakandi og fá orku? Nei, eins gott að ég tók lífinu með ró í menntaskóla.. annars hefði ég alltaf verið með bólur. Mér finnst maður ekkert alltaf geta á sig þyrnum bætt sko!  Ég er greinilega ekki nörda-material..  Ég náði nú samt, til allrar hamingju, að skila íkonógrafísku greiningunni á föstudaginn, en það var svona með naumindum. Svo náði ég líka að skila táknmáls-verkefninu sem ég hafði frest til miðnættis í kvöld að gera, í morgun. Svo er ég búin að vinna alla helgina. Þannig að það er spurnig hvort ég nái að skrifa 9 bls ritgerð um tengls myndlistar og þjóðernis á fyrri hluta 20.aldar fyrir kl 17 á morgun. Ójá, skipulagða ég er einungis búin að gera forsíðuna þar sem meðfylgjandi mynd setur punktinn yfir i-ið.

Hvað um það. Þrátt fyrir óheyrilegt álag og meðfylgjandi blóð, svita og tár fannst mér ég knúin til að benda ykkur kæru vinir á þessa slóð: www.myspace.com/thepapercuts

Lag dagsins er samt This Will Be Our Year með The Zombies.. endilega hlustið á það!

Af hverju er ég að skrifa hér inn? Nú er ég sko farin að læra. Ég er frek, ég vil komment. Ég vil, ég vil.. 

-ekki-nördið-

Ekki laust við smá Black Sabbath fíling svona rétt eftir miðnætti á miðvikudagskvöldi þegar maður er komin með upp í kok á verkefnavinnu sem ætlar engan endi að taka. Kannski er ég bara ekki nógu öguð. Maður er ekki alveg með þetta á hreinu lengur. Endilega hlustið á þetta skemmtilega lag   http://youtube.com/watch?v=NPWLIGqHJzs    (ég er búin að ákveða að ég ætla ekki að læra þessa "ýta hér" thingy-tækni) Hvað um það, þetta er voða fallegt lag um djöfulinn sem verður ástfanginn og umbreytist bara í góða manneskju  

Andri sagði mér að hætta að væla. Maður á alltaf að taka mark á Andra og því ákvað ég að skella inn færslu, svona af því ég er að læra. Svo luma ég líka á helvíti skemmtilegri sögu af henni ömmu minni. Hún er bara fyndin. Amma sko. Ég skutlaðist til hennar um daginn til að fá lánaða bók og áður en ég labba inn um dyrnar heyri ég hana segja að ég kæmi eins og kölluð. Nú, segi ég.. jájá hvað er ekki allt í góðu? Þá fer amma að býsnast yfir vidjóinu (hún er sko ein af þeim sem prjónar, eldar og fær heimsóknir á kvöldin þannig að hún tekur bara upp dagskránna í sjónvarpinu og horfir svo á hana á næturnar.. hún er klók sú gamla! Vonum að handrukkar sjónvarpsins mæti ekki á svæðið samt..) Allavega, svo ég spyr hvað sé að tækinu því ég er jú soddan tæknigúrú eins og fólkið mitt veit hehe.. allavega segist hún ekki geta kveikt eða slökkt á því en það var nú bara kveikt á því. Þá segist hún ekki geta náð spólunni úr tækinu, svo ég kíki inn í tækið en þar er bara engin spóla en amma mín er sko viss um það og segir mér að stinga bara hendinni inn í .. "en amma mín, ég sé alveg inn í tækið, það er engin spóla þarna." "Nú jæja, þá set ég þessa bara í. Ertu búin að borða eitthvað í dag?"   Þetta er kannski fyndnara ef maður heyrir þetta.. erfitt að skrifa svona samtöl.. amma er samt svöl.

Ég fór aðeins inn í vinnu í dag og nema hvað, ég lenti bara í því að afgreiða eina á spænsku! Rosa klár Svo fór ég í Body Shop af því ég var sko heima að læra.. mætti þá ekki konan sem ég afgreiddi inn í búðinni minni bara þangað líka. Greyið lenti í einhverjum samskiptaörðuleikum við afgreiðlsukonuna þar og leit því á mig, alveg ráðalaus, þannig að góða ég útskýrði fyrir stelpunni hvað hún væri að biðja um. Díos mío, klárlega góðmennska dagsins og strikar út öll prakkarstrik eða illskuverk sem ég hef óvart framið á síðustu vikum Pottþétt.

Band dagsins:  http://www.myspace.com/chansonspoissons   Kúl. Líka sætur Frakki..

Planið mitt um jólin er að fara til mömmu og svo með henni til Andra og vera yfir hájólin í Ungverjalandi. Koma svo heim 29. eða 30. des ásamt yndislegri móður minni og fagna komu nýs árs á landi ísa og elda í faðmi fjölskyldu og vina. Ýkt rómó.

Myndarlegt blogg hér á ferð..Allir sáttir?  Buenos noches amigos y muchos besos para todos XX

-spænska bólan-

Ef þessi síða er ekki dauðust af öllu dauðu þá veit ég ekki hvað!! Ég sé til hvort ég reyni einhverja endurlífgunarstarfsemi..

-112-

Uppáhalds uppáhalds lagið mitt núna er Wildcat með Ratatat. Titill þessa bloggs er eini textinn/setninging úr því magnaða lagi.

Annars er verið að biðja mig um blogg, ekkert svakalega mikil efturspurn en þó einhver. Og verður maður ekki að virða það? Veit svosem ekki hvað ég get skrifað um.. hef ekkert og ekki neitt að segja, því miður. Það sem ég geri alla daga er að sitja í tímum og reyna að vera eins gáfuleg og allir hinir sem eru í tímum með mér (NB allir hinir.. ), en ég sit meira eins og eitt stórt spurningamerki í sætinu mínu og líður eins og ömurlegum námsmanni sem á ekkert erindi í háskóla.. úff. En einkunnirnar mínar koma mér samt alltaf jafn mikið og skemmtilega á óvart. Kunstigt..

Æji, ég er ekki í bullstuði.. er einhver sem nennir að kíkja hérna inn hvort eð er?

Ef svo er samt (og í örlæti mínu) læt ég fylgja með slóðir á skemmtilegar síður (nei ég er ekki ennþá búin að læra að gera svona "ýta hér" thingy..) fyrir þá sem hafa ekkert að gera og vilja því hlusta á skemmtilega tónlist Einskær góðmennska, ég er að segja ykkur það..

http://www.myspace.com/trabantofficial
http://www.myspace.com/ratatatmusic
http://www.myspace.com/bandofhorses
http://www.myspace.com/hermigervill
http://www.myspace.com/bumtown

Set inn eina mynd af mér að hugsa um wildcat lagið meðan ég er að læra..

-tintin-