Elsku mamma mín! Innilega til hamingju með daginn!!!! Vona að þú njótir hans eins vel og mögulegt er Vildi svo mikið að ég væri hjá þér.. Andri verður að duga og svo koma Finna og co á morgun Ég heyri í þér í dag/kvöld knús og kossar!

Svo kemur Krissan á morgun, þá verður kátt í höllinni! Og Anna Alberts líka.. það læðist að mér sterkur grunur að skemmtanagleði Íslendinga verði ríkjandi hér í Lundúnaborg um helgina Shibbý!

Dögg og Katrín, góða ferð og skemmtun á Costa Del Sol Vildi að ég væri að koma með, maður lifandi!!!

Æi, mikið finnst mér það nú gaman hvað þið eruð dugleg að láta heyra í ykkur...
í verðlaun fáið þið enga fróðleiksmola um helgina frá mér

Jájá, einungis rúmar 4 vikur í heimför... úff! Ég ætla að birta smá viðtal sem ég tók við sjálfa mig:

Jæja, við Arna tókum 17. júní með stæl Byrjuðum á að fara í lítinn sætan pikknikk upp í park, en þó ekki nema með viðkomu í Sainsbury's þar sem gæða hvítvín var á tilboði ásamt því sem við kipptum með okkur snakki, sóadvatni og glösum til að gera þetta rosa kósy! Svo plöntuðum við okkur í parkinn og skáluðum í white wine spritzer Ekki amalegt það! Svo komu nokkrir litlir 17 ára strákar sem vildu endilega vera með í pikknikk! En þeir voru nú eitthvað að misskilja leikinn og spurðu svo hvort við kæmum ekki heim með þeim? Nei, við eigum kærasta! Haha, það er allt leyfilegt í UK!!

Allavega,svo heyrðum við í Jóni Gunnari þar sem hann var í blússandi stuði á karókí bar upp í Camden. Og við gerðum okkur lítið fyrir og skelltum okkur í smá strætóferð uppeftir til hans og djömmuðum með honum og fleiri vinum hans. Eftir að karókí barnum lokaði fórum við á Marathon, sem er kebab staður fyrst þegar þú kemur inn en ef þú labbar lengra inn kemuru á hálfpartin live tónleika, tveir karlar sem spila á saxófón og gítar (minnir mig!!) Mjög gaman! En það er alltaf gaman að djamma með Jóni og vinum hans!! Svo fengu tvær afskaplega þreyttar dömur gistingu á Pond Street hjá Jóni og félögum, þar sem sumir vöknuðu í faðmi þriggja drengja en aðrir í sófa inní öðru herbergi!! Þessu er misdeilt, ha?!!! Svo stakk Jón Gunnar bara af þannig að við Arna leyfðum sjálfum okkur að horfa á Amelie inni hjá Geoff þar sem hann var ekki heima og sumir voru of þunnir til að fara út í steikjandi hitann! Reyndar kom Geoff svo heim, þannig að við stungum fljótlega af!! Tókum strætóinn heim sem ég hélt við myndum ekki hafa af!! Djöfuls hiti!!

Svo héldum við okkur að mestu leyti inni í gær því það var bara of heitt! 30 stiga hiti og sól! Og í dag var það verra, örugglega 34°-36° og steikjandi sól. Við Arna örkuðum upp í park þar sem við skiptumst á að sóla okkur og sitja í skugga! Dí hvað það er heitt! Maður situr bara í svitabaði inni sem úti!! Úff, er sko búin að fara 2x í sturtu í dag! En maður ætti vonandi að koma brúnn heim! Spáin út vikuna er allavega heil sól og kringum 30 gráðurnar!!!

Allavega, vona að helgin hafi verið ykkur góð elsku fólk Tell me about it - stud!

..hæhó og jibbý jei og jibbí og jei, það er kominn 17. júní... Þetta er örugglega algengasta setningin á þessum degi og er ábyggilega skrifuð á ÖLL blogg!! En það er bara gaman!

Ég eignaðist næstum því nýjan vin hérna um daginn. En ég er svo mikil tík að ég hleypti honum ekki inn, sama hvað hann hamaðist á glugganum. Ég meina, ég var að fara að sofa. Vil ég þá eitthvað vera að fá inn til mín risastórt fiðrildi og láta það halda fyrir mér vöku? Þannig að það flaug í burtu þegar það náði hintinu og hefur ekki látið sjá sig aftur.

En það helsta í fréttum er að Michael Jackson er not guilty of all 10 charges. Sem er vel. Það væri nú frekar óþægilegt að vera að djamma og dilla sér svo við lög eftir hann en vita að hann hefði misnotað stráka. Þannig að ég er fegin, nú get ég dansað áhyggjulaust. Já, mér finnst hann eiga skemmileg danslög!

Svo er hann dáinn, 105 ára, breski maðurinn sem hélt upp á 80 ára brúðkaupsafmæli sitt um daginn... sorglegt það. En ekki svo..ég meina 105 ára! Litla rúsínan!!   Megi hann hvíla í friði

Það sem mér finnst samt fyndnast er að nú er tónlist Christinu Aquilera notuð til að pynta fanga í fangabúðum. Vafasamur heiður fyrir hana þar á ferð...

Svo get ég sagt ykkur eitt. Um daginn þegar ég var að bíða eftir lestinni, í svona ca 15 mínútur, flugu örugglega (rúmlega) 30 flugvélar yfir höfði mér sem allar voru að fara að lenda eða fljúga frá Heathrow. Ok það virkar kannski ekki rosalega mikið, en air-traffíkin er mjög mikil og það eru alltaf flugvélar að fljúga hérna yfir (mér finnst það reyndar ansi kósý verð ég að segja!) en ef maður pælir í því að það eru 30 á 15 mín þá gera það 2 á mínútu. Og betra en það... 1 flugvél every 30 seconds..... það hljómar einhvernvegin miklu meira..!!? Nema ég sé að kolklikka...einhvernvegin áttum við aldrei samleið, ég og stærðfræðin...

Jæja elskurnar, ég er farin að eyða 17. júní á þann skemmtilegasta hátt sem ég hefi nokkurn tíman gert...með því að þrífa húsið.... Kannski verður samt eitthvað gert í kvöld...við sjáum til!! Þið hafið það bara gott! Og munið að fá ykkur eina íslenska SS með öllu og kók fyrir mig í dag... og já þessi bjór sem þú hefur ekki gott af má vera drukkinn fyrir mig! Friðaðu samviskuna!!
P.S. Andri, takk fyrir mailið!! Góður!! Ég ætla sannarlega að stunda pöbbana meira!

Við héldum hátíðlega uppá 17.júní á sunnudaginn síðastliðinn í Covent Garden. Englakórinn söng að sjálfsögðu, eins og við öll önnur merkileg tilefni en það sorglega er að það er ábyggilega í síðasta sinn sem við syngjum saman. Kórinn er farinn í sumarfrí þannig að... og ég er (örugglega) ekki hérna í haust og fer því ekki mikið á æfingar. Veit ekki hvort ég á að vera að fljúga á milli..! Aníveis, við grilluðum íslenskar pulsur og fengum remúlaði og ss-pulsusinnep en eini ókosturinn var að pulsubrauðin voru bresk og massív! Annars góð pulsa! Svo héldum við Arna, Alda og Jón Gunnar betur upp á daginn með því að fara á létt pöbbarölt sem endaði um kvöldið í Barnes þar sem við hlustuðum á Siri, vinkonu Jóns, syngja jazz. Mjög gaman það og flott... og já Arna, saxófónleikarinn var mjööög heitur. Ekki frá því að við höfum átt þarna móment hehe..

En það er ekki laust við það að sé kominn smá fiðringur í mann yfir heimferðinni... bæði tilhlökkun að knúsa alla og kvíði fyrir að koma helvítis draslinu sem maður hefur sankað að sér heim. Best að drífa í því að tala við Eimskip! En í sannleika sagt þá langar mig ekki að flytja heim. Ég vil búa hérna áfram. Ég vildi að ég gæti bara tekið alla heima með mér! Það er líka búið að bjóða mér aftur að vera áfram, en vá, ég veit ekki hvort ég get tekið annað ár! Vil gera eitthvað annað frekar. Hver veit, kannski verð ég í Köben, kannski heima að vinna og kannski hér.. þetta kemur allt í ljós. En eitt er víst að ég kem heim 25.júlí.. sem er ekki svo langt þangað til! Úfff!!

Ég er farin að horfa á Moonlighting með Bruce Willis og Cybill Shepherd síðan 1985!! Já og lag dagsins er tvímælalaust AFI með BJÖRK
.... talandi um Björk..í hvert sinn sem maður er spurður hvaðan maður sé og segir Ísland þá er það fyrsta sem sagt er "ohh, like Bjork?" YES..

Hafið það gott kæru landsmenn, heimsmenn, menn...

Ég er núna búin að fá það staðfest. Gerist ekki betra. Ég ER hin eina sanna Bridget Jones. Hver annar í öllum heiminum getur toppað mig? Hann má gefa sig fram. Ég hef ansi skemmtilega sögu handa ykkur elskurnar, já svona líka aldeilis! Ég fór í matarklúbb í gærkvöldi til Elsu.. við erum hérna nokkrar stöllur búnar að setja einn á stofn! Kvöldið byrjaði mjög vel þegar við hittumst um 9-leytið og þemað var ítalskt þannig að í ofninum bubblaði rosa góður pastaréttur! Svo var íbúðin svo kósý.. kertaljós og hugguleg stemmning þar sem við sátum með vínglas í hönd og spjölluðum og skemmtum okkur vel. Svo ákvað ég að vera rosa myndarleg og leggja á borðið meðan Elsan eldaði og ég stóð mig alveg rosalega vel svona til að byjra með. Jájá, mín búin að koma diskunum og hnífapörin á borðið og raða rétt og svona. Svo ætla ég að sækja glösin sem voru á borði í horninu og er svona að raða þeim upp á hendurnar á mér... nema mér verður allt í einu rosalega heitt..þið munið hvað ég sagði að íbúðin var kósý, skreytt með kertaljósum. Ég var semsagt mætt í gula/gull/silfur-sumarpilsinu mínu sem ég keypti á Camden... stóð það þá ekki bara í ljósum logum takk fyrir. Fröken Tinna Traustadóttir gjörsamlega toppaði allt sem hún hefur einu sinni toppað og í orðsins fyllstu merkingu kveikti í sér...JÁ ÉG KVEIKTI Í MÉR og stóð, fyrst þögul og hrædd og svo létt öskrandi, á stofugólfinu í eldbáli! (Note to self, það eru ekki áramót, það er sumar og alveg nógu heitt, höfum enga þörf fyrir brennu núna.) Það sem var nú svolítið fyndið var að ég lét stelpurnar vita að það væri kviknað í mér og þar sem við erum allar íslenskar ákvað ég að gera þetta enn sniðugra og segja frá á ensku "I'm on fire.. " Og ég tók ekki einu sinni eftir því fyrr en Elsa benti mér á það seinna! Hahahahahahahahahahahahahahahaha.. þetta var bara það fyndnasta sem ég hef gert í langan tíma. Ég er ennþá hlæjandi að sjálfri mér.. og skellti ekki svo sjaldan uppúr í gærkvöldi. Klúður samt með nýja pilsið mitt... það stóð samt ekki á því þegar ég keypti það "Extra flammable - meaning easily ignited and capable of burning rapidly" Það hefði átt að fylgja með svona New-Skirts-For-Dummies-bók með þessu pilsi! Og sem betur fer bráðnuðu sokkarbuxurnar mínar ekki við mig!! Það hefði ekki verið svo gott! Þannig að ég bara strippaði sem aldrei fyrr og hljóp í baðið hjá Elsu þar sem ég lét kalda bununa leika létt við brunasárin á lærinu og hendinni.. já hendinni því ég notaði hana til að slökkva eldinn.. ásamt því að fimm stelpur stukku á mig (og ein með viskustykki ) þegar þær "kveiktu" hvað væri að gerast. Elsa ætlaði nú bara ekkert mark á mér að taka fyrst, hún hugsaði með sér að þetta væri bara eitthvað sem ég myndi segja - svona í gríni!! Allavega, ég fékk svo lánað pils hjá Elsu og gekk svo hringinn í íbúðinni og slökkti á öllum kertum! Já, brennt barn forðast sko sannarlega eldinn! En ji minn eini hvað þetta var fyndið! Ég hélt ég myndi pissa á mig í sturtunni... reyndar líka því klósettkassinn var að fyllast og það er rosalega mikið pissuhljóð í honum .. en samt!!! hahaha! Ég held ég sé engri lík! Þannig að gærkvöldið er kvöld sem við stöllur munum seint, ef ekki aldrei, gleyma og verður héðan af þekkt sem "flaming fiesta" Takk fyrir kvöldið gellur!! Og sorry enn og aftur með glasið og teppið Elsa mín!! Set inn myndir fljótlega, tókum mynd af elskulega pilsinu mínu, sem endaði kvöldið í ruslinu. R.I.P.  .. og auðvitað okkur gellunum, svona til ánægju og yndisauka til allra sem okkur þekkja.

Þá er ég komin aftur til London, í sumarsæluna! Skilst að nú eigi sumarið að vera komið sem aldrei fyrr! Frábært! Það var alveg meiriháttar í Köben hjá mömmu, ég hefði svoooo verið til í að vera áfram! Takk fyrir vikuna mamma! Kannski verðum við nágrannar í haust, það er aldrei að vita! Ég hringi svo fljótlega í þig og fæ nýjustu fréttir.. efast ekki um að þú hafir staðið þig glimrandi vel!

Í gær var svo síðasta kóræfingin Það er hrikalegt! Á ég eftir að sakna þess að mæta ekki á kóræfingar á þriðjudagskvöldum..ég er bara vængbrotin á að hugsa um það! En maður kíkir nú á æfingu í haust ef maður á hér leið um! Annars var ég voða dugleg á æfingunni í gær.. ég var EIN í sópran takk fyrir pent! Reyndar söng Margrét aðeins með mér en samt!!! Ekki dugleg? Sungum sko þjóðsönginn líka! ég á ekki til orð!!! hahah Svo hummar maður alltaf eitthver rosaleg ættjarðarlög, svona með sjáfum sér, í tube-inu á leiðinni heim eftir hverja æfingu! Stundum þjóðsönginn meira að segja! Og svo klárum við veturinn með því að syngja í Covent Garden á sunnudaginn því þá verður haldið upp á 17.júní!!

Annars er nú mest lítið að frétta! Jú ég get nú sagt ykkur það að ég bý með frægum manni! Í gær í tube-inu sá ég á Earls Court stórt auglýsingaplakat með bókinni hans Tims!!! En gaman! Svo kom ég heim og sagði honum rosa ánægð frá þessu! Og hann var mjög ánægður, sagði að það hefðu verið prentaðar út nokkuð margar auglýsingar og þær væru líka á Oxford Circus... ekki slæmt það!

Sigga mín, ertu ok? Ég hef ekki heyrt frá þér í ár og aldir...
Jæja, ætli ég fari ekki upp í park og njóti góða veðursins!

Ja, saa er man i Denmark og hygger sig med sin mor Ah, hvad det er dejligt! I morgen, naar Arna kommer tilbage fra Sönderborg, skal vi saa i Tivoli. Det skal ju være rigtig sjovt!

Komið gott af dönskunni? Ber enga ábyrgð á því hvort hún sé rétt eða ekki! En við höfum það allavega rosalega gott, erum búin að túristast ágætlega! Kíktum á Amalíuborg og Den Lille Havfrue, erum búnar að þræða Strikið upp og niður, drekka hrikalega góðan Carlsberg og borða góðan mat! En svo stakk Arna af til vinkonu sinnar í gær og kemur á morgun og þá ætlum við í Tivoli (iloviT) og enda frábært frí. Já, enda frábært frí fordi vi skal rejse tilbage til London tidligt paa mandag og þá tekur sama gamla rútínan við! Tíminn líður bara of hratt!

Annars þá er bara ekkert svo langt í að ég flytji heim... hmmm.. vá hvað ég á eftir að sakna þess að búa í London! En, svona okkar á milli, þá ég er komin með enn eitt framtíðarplanið! Ef ég kemst ekki inn í Köben að fara þá heim og vinna í eitt ár, og stunda gymið óhóflega (svo maður geti nú einu sinni litið vel út) og fara kannski á táknmálsnámskeið og fara svo næsta haust (2006) til Tyrklands, Möltu, Grikklands eða Króatíu eða eitthvað svona sniðugt! Hvernig hljómar það?

Takkaborðið í þessari tölvu er hrikalega leiðinlegt þannig að ég ætla að segja þetta gott í bili með fyrirvara um innsláttar- eða stafsetningavillur! Og svo bara svo við höfum það á hreinu þá vil ég þakka ykkur fyrir hjálpina undanfarið í því að setja met í sem fæstum kommentum og feedback-um... tusind tak til allra sem hafi staðið dyggilega við bakið á mér í þeirri keppni. Ég fæ bráðum að bera þann vafasama titil "miss no comment" ... það er kannski ekki svo slæmur titill... kemur sér allavega vel ef ég skyldi einn daginn verða famous og lenda í einhvejru hneykslismálinu...

-hej hej-