Endur fyrir löngu, í landi langt langt í burtu, rakst falleg, sjálfstæð og sjálfsörugg prinsessa á frosk þar sem hún sat og velti vöngum yfir vistfræðilegum álitamálum við bakka ómengaðrar tjarnar á fagurgrænu engi nálægt kastala sínum.

Froskurinn stökk upp í kjöltu prinsessunnar og sagði: Fagra frú, ég var eitt sinn gjörvilegur prins en grimm norn lagði á mig álög. Ef þú smellir á mig einum kossi mun ég aftur verða að þeim snotra prinsi sem ég raunverulega er.

Þá getum við, mín kæra, gifst og stofnað heimili í kastala þínum. Þú getur framreitt málsverði fyrir mig, þvegið klæði mín, alið börnin mín og fundið til þakklætis og hamingju um alla eilífð.

Sama kvöld sat prinsessan yfir málsverði sínum - léttsteiktum froskalöppum - og hló lágt með sjálfri sér: Ég held nú fokking síður!

Ég ákvað að að fresta vetarafríinu um óákveðin tíma þar sem Andri fór að mótmæla..og þá er miiiikið sagt.

Mig langar ansi mikið í svona hjól:

kannski að draumurinn rætist þegar maður flytur út..í land og heima hjólanna.. ekki fundu danir upp hjólið? Þá meina ég reiðhjólið.. nei ég segi svona...

Djöfull hata ég internet explorer...

Ég er að hugsa um að gefa þessari blessuðu síðu vetrarfrí..svona eins og krakkar fá í skólum. Við erum komnar með leið á hvor annari, ég og síðan. Ég er gjörsamlega andlaus og hef ekkert að segja, hvorki merkilegt né ómerkilegt. Bloggið sem ég var að skrifa núna rétt áðan var greinilega svo leiðinlegt að síðan eyddi því sjálf út. En ég geri aðra tilraun, svona í kveðjuskyni! Ég get ekki einu sinni bullað. I've lost it.

Nú er það ekki lengur spurning hvort ég eigi að flytja til Køben heldur bara hvenær. Eini mínusinn við að flytja er að það er allt morandi í Íslendingum þarna, sem er ekki hipp og kúl. En allt annað við borgina er það hins vegar. Plús það að mamma býr þarna. Og ja, jeg kan godt snakke dansk så det skal ordne sig..

jeg ved godt nok að rådhuspladsen ikke ser sådan ud i dag.. billeden er siden 1913!

Svo er ég að fara til London 3.nóvember í viku að sækja restina af dótinu mínu og hitta allt fólkið mitt aftur

Það er bara of gaman í London. Borgin mín.

Meira af útlöndum. Dagmar mín er að koma heim frá Frakklandi á föstudaginn sem er bara hægt að gleðjast yfir jibbí...

Og enn meir af útlöndum..eða meira skilaboð til útlanda.. Elsku Maríanna! Takk fyrir kveðjurnar Ég hugsa svo oft til ykkar.. og ég verð að fá uppskriftina af pastanu sem ég fékk hjá ykkur...ég hugsa oft um það og fæ vatn í munninn!! Knúsaðu litlu frá mér og ég kem sko í heimsókn aftur við tækifæri!! Ennþá auðveldara ef ég flyt til Köben, og þá get ég fengið mömmu með

En eins og ég segi, án þess að búast við miklum mótmælum er ég með ritstíflu og ætla því að leggjast undir feld í bili... knús!

-Fr. Ritstífla-

Nokkuð viðburðarrík vika hjá mér hérna megin! Og ég bara nenni ómögulega að fara að skrifa um það!! Gaman samt hjá mér Hringið bara og tékkið á stöðunni ef ykkur finnst þið til þess knúin!

Það einna fréttnæmasta þessa dagana er þó að ég er dolfallin yfir þessum manni:

Þetta er Ray LaMontagne, stóra ástin í lífi mínu!! Eða svo gott sem, ég þekki hann voða lítið en hann er hrikalega góður tónlistamaður. www.raylamontagne.com takk fyrir pent!  Trouble er án efa lagið sem er í gangi hjá mér!

Svo eru þessi yndi alltaf að standa fyrir sínu líka,

Dikta er að fara að gefa út nýja plötu og ég get vart beðið! Þá getið þið nálgast á www.dikta.net  Hjá þeim er það vafalaust Someone, Somewhere sem er í spilun og auðvitað alltaf fyrri diskurinn þeirra, þangað til sá seinni kemur!

Það er bara auglýsingastarfsemi hérna hjá minni! Jæja, nenni ekki að auglýsa neitt meir ... síjús

-bobbyson-

Já, eins og vinir og vandamenn vita þá eru mér engin takmörk sett.. í neinu. Hvað þá þegar sögu víkur að Klaufaskap Ehf. Ég byrjaði daginn í dag vel hress kl 7.30 á sundspretti í hagléli og gellan keypti rúnstykki fyrir okkur pabba í heimleiðinni því það er jú föstudagur og svo var ég nýbúin að synda þannig að ég ætti að koma út á núlli. Því miður gat pabbi ekki notið þess með mér því ég var svo lengi í sundi að hann þurfti að fara nánast um leið og ég kom. Nú jæja, svo helli ég mér uppá kaffi og huggulegheit og sest niður fyrir framan stevie the tevie, með kaffið og rúnstykkið. Eitthvað misreiknaði ég mig samt í uppáhellingunni og hellti upp á ógeðslega vont kaffi.. verra en byrjendamistök! Yfirleitt er kaffið mitt drekkanlegt, en þetta var það ekki, og lagði ég því bollann frá mér. Svo tók ég hann og diskinn með mér upp þegar ég þurfti að fara að leggja af stað í vinnuna og var eitthvað annars hugar og dúndra hendinni í hornið á veggnum sem snýr inn að pabbaherbergi og missti kaffibollann - fullan af kaffi. Og ég bíð með svona "Hoooooo..oooóóóó"-undrunarsvip á andlitinu og horfi á gólfið því ég bíð eftir að bollinn smallist.. en nei hann lifði fallið af.  En herbergið hans pabba ekki. Það er kaffi útum allt þar inni. Uppí lofti, uppá veggjum, hálfu rúminu - sem er ekki lítið -, skápnum og gólfinu og alls staðar. Ég heyrði bara svona *drttt-slettislett* hljóð og leit upp og sá að kaffið lak meðfram veggjunum og lofti og öllu, mér til mikillar mæðu því ég þurfti að haska mér í vinnuna... og náði því aðeins að þrífa það helsta með handklæði úr óhreinatauinu... úpsss!!!! En djöfull hló ég síðan mikið maður! Svo kom ég heim eftir vinnu, búin að gleyma ósköpum morgunsins og pabbi kallar á mig og biður mig að sjá hvað kattarófétið sé búið að gera. Ég, sakleysið uppmálað og veit ekkert um hvað hann er að tala, fer til hans og sé að hann á við herbergið sitt.... ég hélt ég myndi pissa í mig af hlátri. Tja, ef maður getur ekki skemmt sjálfum sér þá er nú illa statt fyrir manni segi ég nú bara.

Þetta minnti mig svolítið á annað sem kom fyrir mig þegar ég hef verið kannski 10 ára. Þá var ég að koma heim úr skólanum og var ein heima. Orðin eitthvað svöng opnaði ég ískápinn og mér til þvílíkrar hræðslu og taugastrekkingar flaug tómatsósuflaska í fangið á mér og á gólfið og fram á gang - þar sem var teppi á gólfum- og sprakk. Ég panikkaði svo mikið að ég hringdi í pabba í vinnuna!!! Þvílíkt blóðbað! Eða sko, pabbi var ekki reiður -hann hló bara- en heimilið leit út eins og nokkrum sálum hefði verið slátrað í hamagangi og tilgangsleysi... Þrýstingurinn!

Svo er ég bara farin að hallast meira og meira í áttina að því að taka þátt í Swan eða eitthvað. Elva vinkona kom og kíkti á mig í vinnuna í dag með litla frænda sinn með sér. Gutti leit á mig í vart sekúndubrot og ji minn, það sem barnið grét. Elva þurfti að fara útúr búðinni og leita að mömmunni. Haldiði að það sé nú. Hrikaleg hlýt ég að vera!

Vikan liðin og helgin komin.. hvað er planið ykkar? Ég fer í mömmó á morgun með Óla Þórð og Nóný..eitthvað niðrí bæ. Vill einhver leika við okkur? Segið mér endilega planið Góða helgi

-Grýla klaufabárður-

..yes, I'm gonna be a star.. syngi syng Ekki laust við að mín sé komin í jólafíling, þó þetta hafi ekki verið jólalag sem ég raulaði fyrir munni mér. Skreytum hús með grænum baunum.. Ég var að pakka inn ferðatösku áðan í vinnunni og ég komst bara hreinlega í jólaskap við það. Og til að ýta enn undir jólalöngunina og sífellda gleði tók ég á móti kassa, fullum af jólakortum. Oh boy, oh joy! Þegar ég kom út var líka smá jólaveður. En samt ekki snjór, en jólaveður. Ég er sátt.

Mamma er þá hlaupin af landi brott enn eina ferðina.. við áttum fínustu helgi saman, fyrir utan að ég átti í innilegu sambandi við klósettskálina og gekk undir nafninu Fr. Ælupest um helgina. Sá líka að það er kannski komin tími á smá hreingerningatörn inn á baði? En mín er öll að koma til. Ég þori að veðja að það sé bara verið að hegna mér fyrir að koma með óléttu-djókið hérna um árið - eða í síðustu færslu.. hmmm... maður má ekki segja neitt lengur án þess að fá það fljúgandi beint í hausinn!! Eða meira kannski aukaverkanirnar af því haha

Ég fékk mér stóran hatt því ég var komin með nokkrar kúlur á hausinn eftir að hafa sagt svo mikið og fengið það í hausinn... Annars er þetta ný mynd, hugsa um að ég skelli henni bara í jólakortin í ár Kannski ég taki samt appelsínugulu röndina út.. þetta er pæling... ég hef einn og hálfan mánuð er það ekki?

Svo er planið mitt þegar ég er búin að taka þátt í Swan eða einhverjum af þessum sápuóperum þarna að líta svona út:

Þá verðum við Trölli búin að gifta okkur og getum farið að ættleiða fiska. Og ef til vill maríuhænur og broddgelti, en það er einungis ef guð og gæfa sé með okkur. Þetta skýrist í nánustu framtíð.

-The Grinch-